पूर्वसभासद् पन्तसहित चार सय एमालेमा प्रवेश

काठमाडौं, १७ भदौ
तेस्रो लिंगीको प्रतिनिधित्व गर्दै अघिल्लो संविधान सभाका सभासद् बनेका
सुनिलबाबु पन्तसहित झण्डै एक सय जना सोमबार एमाले प्रवेश गरेका छन् । नेकपा संयुक्तबाट उनी यसअघि समानुपातिक सभासद्  बनेका थिए ।
पन्तलाई एमाले अध्यक्ष झलनाथ खनालले दिउँसो पार्टी मुख्यालय बल्खुमा प्रवेश  गराएका छन् । झण्डै सय जना सोमबार उपस्थिति भएपनि झण्डै तीन सयले सदस्यता लिएको र कार्यक्रम उपस्थित हुन नसकेको पन्तले जानकारी दिए । यौनिक तथा लैगिक अल्पसंख्यकहरुको अधिकारका स्थापित गराउन आफू ठूलो पार्टीमा प्रवेश गरेको पन्तले जानकारी दिए ।
ुहाम्रा अधिकारका स्थापित गराउनका लागि सानोभन्दा ठूला पार्टीको भूमिका बढि हुन्छ, एमालेले हाम्रा मुद्दाहरुलाई स्थापित गर्ने प्रतिबद्घता जनाएको छ,ु पन्तले ईकान्तिपुरसँग भने, त्यसैले एमालेमा प्रवेश गरेका हौं । नेकपा संयुक्त र एमालेको सिद्धान्त र कार्यक्रमहरु धेरै फरक नभएको उनले बताए ।  
पन्तले तेस्रोलिंगी  र समलिंगीहरुको संस्था सब्लु डाइमण्ड सोसाइटीस नामक संस्था चलाउँदै आएका छन् । हाल उनी उक्त संस्थाको सल्लाहकार छन् । पन्तसहितलाई स्वागत गर्दै अध्यक्ष झलनाथ खनालले यौनिक तथा लैगिक अल्पसंख्यकहरुको अधिकार स्थापित गर्न पार्टीले सक्रिय पहलकदमी लिने प्रतिबद्घता जनाए ।