परपुरुषसंगको अबैध सम्बन्ध कायमै राख्न पतीको हत्या

सिरहा, १६ साउन
सिरहाको सिक्रौन निवासी एक महिलाले अबैध सम्बन्ध कायम राख्न कन्ट्याक्ट किलर हायर गरी पतीकै हत्या गरेको तथ्य खुलेको छ । सिक्रौन–७ घर भई रामनगर मिर्चैयामा ब्यापार गर्दै आएकी गुरुशरण साहलाई उनकै कान्छी पत्नी चन्दरदेवी साहले नाठोसंग मिलेर कन्ट्याक्ट किलर झिकाई हत्या गरेको पाइएको हो । गुरुशरणको गत २ साउनको राती धारिलो हतियार प्रयोग गरी हत्या गरिएको थियो ।
जिल्ला प्रहरी कार्यालय सिरहाका प्रहरी उपरीक्षक (एस्पी) पुर्णचन्द्र जोशीले अनुसन्धानको क्रममा कान्छीपत्नी चन्दरदेवीले नै अबैध सम्बन्ध रहेका ब्यक्तिसंग मिलेर गुरुशरणको हत्या गरेको स्वीकारेको बताए । जोशीका अनुसार चन्दरदेवी र उनीसंग अनैतिक सम्बन्ध राख्दै आएका सतो भन्ने सतदेब यादवले कन्ट्याक्ट किलरमार्फत साहको हत्या गराएको पाइएको हो । माडर ३ घर भएका सतदेब १५ बर्ष
अगाडिदेखि गुरुशरण साहसंगै ब्यापार गर्दै आएका थिए ।
 सोही समयदेखि उनकी कान्छी पत्नी चन्दरदेवीको सतदेबसंग अनैतिक शारीरिक सम्बन्ध रहेको थियो । प्रहरी उपरीक्षक जोशीका अनुसार १५ बर्षदेखि अबैध रुपमा सारिरिक सम्पर्क रहेको र पतीले सो काम बन्द गर्न भनेपछि योजना बनाएर हत्या गरिएको बयान चन्दरदेवीले दिएकी छन । प्रहरीका अनुसार गुरुशरणको हत्या गर्ने सतदेव मृतकका घणिष्ट मित्र समेत हुन ।
सतदेवसंग अबैध सम्बन्धबारे जानकारी पाएलगत्तै गुरुशरणले छोरीहरु जवान भइसकेकाले अब त्यस्तो सम्बन्ध नराख्न पटक–पटक चेताबनी दिएका थिए । उनको त्यही चेतावनीलाई आफुहरुको सम्बन्धमा बाधक बनेको भन्दै चन्दरदेवीले तिनै मार्फत कन्ट्याक्ट किलर झिकाउन लगाई हत्या गराएको बयान दिएको प्रहरी उपरीक्षक जोशीले जानकारी दिए ।