एमाओवादी उपाध्यक्ष श्रेष्ठ र महासचिव बोगटीद्वारा राजीनामा

काठमाण्डौ/ ५ साउन,
एकीकृत नेकपा माओवादीका उपाध्यक्ष नारायणकाजी श्रेष्ठ र महासचिव पोष्टवहादुर बोगटीले पदवाट राजीनामा दिनु भएको छ । पार्टीलार्इ अध्यक्षको एकल नेतृत्वमा अघि वढाउने सहमति भएपछि उपाध्यक्ष नारायणकाजी र महासचिव बोगटीले शनिवार राजीनामा दिएका हुन् । उनीहरुले शनिवार विहान बसेको ब्यूरो इन्चार्जको वैठकमा एकल नेतृत्वमा पार्टीलाई लैजाने सहमति भएपछि पदवाट राजीनामा दिएका हुन् ।
शुक्रवारवाट ललितपुरको खन्ना गार्मेन्टमा सुरु भएको विस्तारित वैठकमा शनिवार अध्यक्ष पुष्पकमल दाहाल प्रचण्डले पेश गरेको राजनीतिक प्रतिवेदनमाथि समूहका नेताहरुले आआफ्नो समूहको निष्कर्ष राखेका थिए । समूहगत छलफल सकिएपछि वैठक भोलिसम्मका लागि स्थगित भएको छ