मनै मनले तिमीलाई खोज्न थालें आजभोलि

माया प्रेम साटीसाटी
बसौं कतै दिल खोली
मनै मनले तिमीलाई
खोज्न थालें आजभोलि

सम्झि रहन्छु सधैभरी
मिठा तिम्रा बातहरु
नछुटोस कहिल्यै पनि
मलाई तिम्रा साथहरु

मनको कुरा भनिदिएँ
तिमीलाई आज सररर
टाढा कतै भयौं भने
झर्छ आँसु भररर

अलिकति तिमी सर
थोरैथोरै मनै सरुला
काल तिमी लिन आए
अघि सरी मनै मरुँला

पर्खिबसें बाटो हेर्दै
आँखा त्यसै रसाएछ
यादमा भुलें धेरैधेरै
धडकन आफै बसाएछ

रिसाएर हुन्न केही
आफै छौं धेरै ज्ञानी
एक पटक हाँसीदेऊ
मेरो अनुरोध मानी

यातनाका मेरा ती क्षणहरुमा
तिमी बिल्कुल अञ्जान थियौं
पीडा केही नसुनेरै मेरो
एकाएक तिमी रिसाइ दियौं

चोट सहेर बस्नै पर्ने
भित्रभित्रै मुटु जलाई
चोट लाग्दा तिमीलाई
पीडा भयो सारै मलाई

पर्खाइमै बसेको छु मत
कुनदिन भेटने होला भनी
हाँसी हाँसी पिई दिउला
तिमीले दिएको बिष पनि