भ्रष्टाचारमा सजाय पाएर डिल्लीबजार सदरखोरमा १४ महिना समय बिताउँदा कांग्रेस नेता खुमबहादुर खड्कालाई भेट्न जेल पुग्नेको संख्या निकै बढेको पाइएको छ । खड्का भेट्न सोमबारसम्म १ लाख २३ हजार व्यक्ति डिल्लीबजार कारागार पुगेका हुन् ।
खड्कालाई नियमित जेलमा भेटघाट गर्ने प्रबन्ध मिलाउँदै आएका मोरङ कांग्रेस नेता रमेशजंग रायामाझीका अनुसार सोमबा™सम्म पार्टी सभापतिदेखि सर्वसाधा™णसम्म गरी सो संख्यामा भेटघाटका लागि आएका हुन् । उम्मेदवारको विषयमा पार्टीभित्र विवाद बढेपछि गत साता कांग्रेस सभापति सुशील कोइराला र वरिष्ठ नेता शेरबहादुर देउवासमेत डिल्लीबजार कारागारमै पुगेर खड्कालाई भेटेका थिए ।
खड्कालाई भेट्न नेपाल प्रहरी, नेपाली सेना र सशस्त्र प्रहरीका वरिष्ठ अधिकारीहरूसमेत पटकपटक पुगेको देखिएको छ । यस्तै, नेपाल सरकारका उच्चपदस्थ कर्मचारी पनि उनलाई भेट्न जेल पुगेका छन् । सर्वाेच्च अदालतबाट भ्रष्टाचारी ठहर भई जेल गएका खड्का बुधबार (भोलि) तोकिएको सजाय काटेर जेलमुक्त हुँदै छन् ।
खड्का जेलमुक्त हुँदा समर्थकहरूले काठमाडौंमा उनको स्वागतका लागि शक्ति प्रदर्शन गर्ने योजना बनाएका छन् । कांग्रेस नेता रायमाझीले शुभचिन्तक र पार्टी कार्यकर्ताको आग्रहबमोजिम नै खड्का जेलमुक्त भएलगत्तै देशदौडाहामा निस्कने जानकारी पनि दिए । आगामी ४ मंसिरमा हुने संविधानसभा निर्वाचनमा कांग्रेसका उम्मेदवारलाई विजयी बनाउन आग्रह गर्दै खड्काले देशदौडाहा गर्न लागेका हुन् । जेलमुक्त भएलगत्तै खड्काले २ सय ४० ओटै निर्वाचन क्षेत्रमा गएर कांग्रेसका उम्मेदवारलाई भेट गरी निर्वाचन जिताउन सशक्त भूमिका निर्वाह गर्ने योजना रहेको मोरङ ८ का कांग्रेस उम्मेदवारसमेत रहेका रायामाझीले राजधानीलाई बताए । खड्का जेलबाट रिहा हुने समय नेपालीहरूको महान् चाड दसैं र संविधानसभा निर्वाचन संघारमा रहेकाले भनेजति कांग्रेस कार्यकर्ता उनको स्वागतका लागि काठमाडौं आउन नसक्ने रायामाझीले जनाए । तथापि, २०औं हजारले खड्कालाई स्वागत गर्ने उनको दाबी थियो ।
खड्काको रिहाइलगत्तै आयोजना गरिने प्रदर्शन र स्वागतको सम्पूर्ण व्यवस्थापनको जिम्मेवारी भने मास्टर माइन्ड डन भनेर चिनिएका महेश श्रेष्ठलाई दिइएको छ । उनले खड्काको रिहालगत्तै हुने स्वागत कार्यक्रमका लागि राजधानी आएका कार्यकर्ताका लागि ४ हजार ५ सय टोपी (क्याप) र २ हजार टिसर्ट तयार पारेका छन् ।
कारागारमा आइतबार आफूनिकटकासँग भएको गोप्य छलफलमा खड्का छुटेलगत्तै आयोजना गरिने सभा र ¥यालीलाई व्यवस्थित तथा मर्यादित बनाउने निष्कर्ष निकालिएको थियो । गोप्य बैठकमा सहभागी भएका नेपाल विद्यार्थी संघका केन्द्रीय सदस्य युवराज खड्काका अनुसार रिहाइमा तडकभडक नगर्न निर्देशन दिइएको छ ।
रिहाइपछि ¥यालीको आयोजना गरिने भएपछि उनको गृह जिल्ला दाङबाट पार्टी सभापति घनश्याम रेग्मीसहित कांग्रेसका कार्यकर्ता काठमाडौं आउने भएका छन् । दाङबाट करिब ४० ओटा बसमा २ हजार बढी कार्यकर्ता मंगलबार राजधानी आउँदै छन् । नेपाली कांग्रेस दाङले खड्काको रिहाइका बेला ¥यालीमा सहभागी बन्न औपचारिक रूपमै आग्रह गरेर कार्यकर्ता जम्मा पारेको छ । पार्टी सभापति रेग्मीले जिल्लाबाट करीब ५ हजार कार्यकर्ता काठमाडौं आउन लागेको बताए । उनका अनुसार जिल्लाबाट सयको हाराहारीमा निजी गाडीमा पनि कार्यकर्ताहरू आउँदै छन् । जिल्लाबाट आउने प्रत्येकले रूख चिह्न अंकित टिसर्ट र टोपी लगाउँदै छन् । जिल्लाबाट आउनेहरूका लागि जिल्लाका विभिन्न संघ÷संस्थाहरूले टिसर्ट, ब्यानर र टोपी बनाएका छन् ।
कार्यकर्ता ल्याउन राप्ती बस व्यावसायी समितिले मात्रै २४ ओटा बस उपलब्ध गराएको समितिका अध्यक्ष जितेन्द्र शाहले बताए । उनको ¥यालीमा जाने कार्यकर्ताको खानपिनका लागि १ लाख रुपैयाँ चन्दा दिएका छन् भने समितिका २८ जना सदस्यलाई स्वैच्छिक सहयोग उपलब्ध गराउन निर्देशन दिएका छन् ।
खड्का रिहाइ हुँदा गरिने ¥यालीका लागि विभिन्न जिल्लाका सभापतिसमेत काठमाडौं आउने भएका छन् ।
त्यसका लागि सिन्धुपाल्चोक, काभ्रे, तनहुँ, कास्की, स्याङ्जा, बाँके, बर्दिया, रुकुम, सुर्खेतलगायतका जिल्लाबाट समेत कार्यकर्ता शक्ति प्रदर्शनका लागि ल्याइँदै छ । कतिपय जिल्लाबाट भने कार्यकर्ता आउने क्रम बढेको बताइन्छ ।
स्रोतका अनुसार आइतबारको बैठकले खड्काले बुधबार डिल्लीबजार कारागारको प्रांगणमै कार्यकर्तालाई सम्बोधन गर्ने कार्यक्रम तय गरिएको छ । खड्का जेलमुक्त भएपछि पुतलीसडक, त्रिपुरेश्वर, कालीमाटी, कुलेश्वर, बल्खु हुँदै सानेपास्थित नेपाली कांग्रेसको कार्यालय पुगेर सभामा परिणत हुने कार्यक्रम बनाइएको छ । सो ¥यालीमा नेपाली कांग्रेसका सहमहामन्त्री पूर्णबहादुर खड्का, कोषाध्यक्ष चित्रालेखा यादव, केन्द्रीय सदस्यहरू शंकर भण्डारी, पुष्पा भुसाल, पूर्वराज्यमन्त्रीहरू देवेन्द्रराज कँडेल, मोहनबहादुर बस्नेतलगायत सहभागी हुने बताइएको छ ।
No comments:
Post a Comment