महिला अधिकारको नाममा महिलालाई नै रोक्ने योजना

नेपालका महिला अधिकारवादी मित्रहरुले कुनैपनि महिलालाई माथिल्लो ओहदामा जानै नदिने कसम नै खाएको जस्तो छ । बिमानस्थलमा रहेर होस वा अन्य जुनसुकै ठाउँमा बस्दा होस राम्रो काम गरेर वाहावाही कमाएकी डिआइजी बिमला थापाको नामै उच्चारण नगरी अर्का डिआइजी पार्वती थापालाई आइजीपी नबनाए ठिक हुन्न भन्दै कुर्लिएर पहिलो महिला आइजीपी बन्ने अवसरबाट दुवैलाई बञ्चित गरिदिए । नेपाल प्रहरीको नियमावली र स्थापित मान्यता नेताको घरघरमा दवाव र सडकमा प्रदर्शनले उनीहरु आइजीपी हुने बाटो सदाका लागि बन्द गरिदियो । अव फेरि पार्वतीलाई किन एआइजी बनाइएन भन्दै महिला अधिकारवादी मित्रहरु सडकमा आउने घोषणा गरेका छन । यस्ले आगामी कात्तिक २८ गतेपछि एआइजीमा बढुवा हुने बिमला र पार्वतीको अवसर पनि खोसिने छ । दुई महिलामध्ये एउटालाई मात्र बढुवा गर भन्दै सडक र नेताको घरघरमा पुगेर दवाव दिने कामले महिला आन्दोलनको हित गर्छ कि कमजोर ? किन पार्वतीको मात्रै नाम आउँछ महिला अधिकारवादीको मुखमा ।  यो त अलिक हजम भएन नि । बिमला चाँही महिला होइनन र महिला अधिकारवादी मित्रहरु ? उनी रकम खर्चन सक्षम छैनन भनेर नामै नलिने काम त हजम भएन नि । अवको आन्दोलनले एआइजी हुने बिमला र पार्वती दुवैको सुनौलो अवसरलाई पनि धुजाधुजा पार्नेछ । सवैलाई चेतना भया ।